ކީރިތި ޤުރްއާން ކިޔެވުމުގައި ކުށް ކިޔުމުން ރައްކާތެރިވުން
– ކީރިތި ޤުރްއާން ކިޔަވަން ދަސްކުރުމުގައި، ކުށް ކިޔުމުން ރައްކާތެރިވުމުގެ ޙަޤީޤީ މާނައަކީ، ބަލައިގެން ކީރިތި ޤުރްއާން ކިޔެވުމުގައި، ކުށް ކިޔޭ ސަބަބުތައް ނައްތާލުމެވެ.
– އޭރުން ނުބަލައި ކިޔެވުމުގައި، ކިޔޭ ކުށްތަކުން ސަލާމަތް ވެވޭނެއެވެ.
ކީރިތި ޤުރްއާން ބަލައިގެން ކިޔެވުމުގައި ކުށް ކިޔޭ މައިގަނޑު ސަބަބުތައް
1- އަކުރު ގުޅުވަން ނުފަރިތަވުން.
2- ކަލިމަ ގުޅުވަން ނުފަރިތަވުން.
3- ލޮލުގެ ޙަރަކާތަށް ވުރެ، ދުލުގެ ޙަރަކާތް އަވަސްކުރުން.
4- ދުލުގެ ޙަރަކާތް އަވަސްކުރުން.
5- އާޔަތް ނުވަތަ ސޫރަތް ކިޔުމަށް އިސްކަން ދިނުން.
6- ކަލިމައިގެ ޢިލްމު ނޭނގުން.
7- އުނދަގޫ ކަލިމަތަކާއި އުނދަގޫވެދާނެ ކަލިމަތައް ފާހަގަކުރަން ނޭނގުން.
8- އުނދަގޫ ޙާލަތްތައް ފާހަގަކުރަން ނޭނގުން.
9- ޙާލަތްތައް ޚާއްޞަކުރަން ނޭނގުން.
10- ދަސްކުރާ ފިލާވަޅު ދަސްކޮށް ފަރިތަކޮށް އާދަކުރެވޭ މިންވަރަށް ތަކުރާރު ނުކުރުން.
ކީރިތި ޤުރްއާން ބަލައިގެން ކިޔެވުމުގައި ކުށް ކިޔޭ ސަބަބުތައް ނައްތާލުން
– ކީރިތި ޤުރްއާން ބަލައިގެން ކިޔެވުމުގައި ކުށް ކިޔޭ ސަބަބުތައް ނައްތާލެވޭނީ، ބަލައިގެން ކިޔެވުމަށް އިސްކަން ދިނުމާއެކު، ކީރިތި ޤުރްއާން އުނގެނި ދަސްކުރުމަށް ޚާއްޞަ މަރުޙަލާއެއް ފުރިހަމަކޮށްގެންނެވެ.
– އެގޮތުން، ކީރިތި ޤުރްއާން ބަލައިގެން ކިޔެވުމުގައި، ކުށް ކިޔޭ ސަބަބުތައް ނައްތާލުމަށް، ކީރިތި ޤުރްއާން އުނގެނި ދަސްކުރާ މަރުޙަލާގައި، ތިރީގައިވާ ކަންކަން ފުރިހަމަ ކުރުމަކީ، ވަރަށް މުހިންމު ކަމެކެވެ.
1- އާޔަތް ނުވަތަ ސޫރަތް ކިޔުމަށް އިސްކަން ދިނުމުގެ ބަދަލުގައި، ކީރިތި ޤުރްއާން ބިނާވެފައިވާ ތަރުތީބުން އެކުލާވާލެވިފައިވާ ކިޔުމުގެ ތަމްރީނުތަކާ އެއްގޮތަށް ކިޔުން.
ކިޔުމުގެ ތަމްރީނުތައް
|
1 |
تَوْضِيح | 2 | حَرْفٌ بَعْدَ حَرْفٍ | 3 | كَلِمَةٌ بَعْدَ كَلِمَةٍ |
|
4 |
آيـَـةٌ بَعْدَ آيَــةٍ |
5 |
سُورَةٌ بَعْدَ سُورَةٍ |
6 |
مُعَلِّمٌ |
| 7 | كَيْفِيَّةُ ﭐلْبَيَان | 8 | مُقَابَلَة | 9 |
إِقْتِدَاء |
2- ދުލުގެ ޙަރަކާތާއި ލޮލުގެ ޙަރަކާތް ލަސްކޮށް، އެއްވަރުކުރުން.
3- ކަލިމައިގެ ޢިލްމު ދަސްކުރުން.
4- އުނދަގޫ ކަލިމަތަކާއި އުނދަގޫވެދާނެ ކަލިމަތައް ފާހަގަކޮށް ދަސްކޮށް ފަރިތަކޮށް އާދަކުރުން.
5- އުނދަގޫ ޙާލަތްތައް ފާހަގަކޮށް ދަސްކޮށް ފަރިތަކޮށް އާދަކުރުން.
6- ޙާލަތްތައް ޚާއްޞަކޮށް، ދަސްކޮށް ފަރިތަކޮށް އާދަކުރުން.
7- ދަސްކުރާ ފިލާވަޅު ދަސްކޮށް ފަރިތަކޮށް އާދަކުރެވޭ މިންވަރަށް ތަކުރާރުކުރުން.
– ކުށް ކިޔޭ ސަބަބުތައް ނައްތާލުމަށް، ކީރިތި ޤުރްއާން އުނގެނި ދަސްކުރުމަށް ޚާއްޞަ މަރުޙަލާއެއް ފުރިހަމަނުކޮށް، ހަމައެކަނި އާޔަތްތަކާއި ސޫރަތްތައް ކިޔުމަށް އިސްކަންދޭ މީހާއަށް، ކިޔޭ ކުށްތަކަކީ، ގަސްތުގައި ކިޔާ ކުށްތަކެއްގެ ގޮތުގައި ބެލެވިދާނެއެވެ.
– ސަބަބަކީ ކީރިތި ޤުރްއާން އުނގެނި ދަސްނުކޮށް، އާޔަތްތަކާއި ސޫރަތްތައް ކިޔަން އިސްކަންދޭތީއެވެ.
ލިޔުނީ:- ޝުޢައިބު ޢަލީ / ހުސްއެދުރުން-2