ކީރިތި ޤުރްއާން އުނގެނުމާއި އުނގަންނައިދިނުމުގެ ތަރުބިއްޔަތު
ތަރުބިއްޔަތު، މި ބަސް ޚާއްޞަކުރެވެނީ، އެކަމެއްގައި ހެވާއި ނުބައި އޮންނަ ކޮންމެ ކަމެއްގައެވެ.
އެގޮތުން އިންސާނާގެ އަޚްލާޤާއި ޢާންމު ދިރިއުޅުމުގައި ވެސް، ހެވާއި ނުބައި އޮވެއެވެ. އަދި އިންސާނާ ޢިލްމެއް އުނގެނޭ ކަމުގައިވާނަމަ، އެކަމުގައިވެސް ހެވާއި ނުބައި އޮވެއެވެ. ވީމާ މިފަދަ ހުރިހާ ކަމެއްގައި ވެސް، ވަކި ޚާއްޞަ ތަރުބިއްޔަތެއް އޮންނާނެއެވެ. އަދި ތަރުބިއްޔަތުކުރުމުގައި ޚާއްޞަ ތަރުތީބެއް ވެސް އޮންނާނެއެވެ. އެހެންވީމަ، ކީރިތި ޤުރްއާން އުނގެނުމާއި އުނގަންނައިދިނުމުގައިވެސް، އެކަމަށް ޚާއްޞަ ތަރުބިއްޔަތެއްވެއެވެ.
އިސްލާމީ ތަރުބިއްޔަތޭ ބުނެވެނީ، އިސްލާމް ދީނާ ޚިލާފު ކަންކަން، އެތަރުބިއްޔަތެއްގައި ނުހިމެނޭ ގޮތަށް، ވަކި ޚާއްޞަ ތަރުތީބަކުން، ދަރިން ތަރުބިއްޔަތު ކުރުމަށެވެ. އަދި ކީރިތި ޤުރްއާން އުނގެނުމާއި އުނގަންނައި ދިނުމުގެ ތަރުބިއްޔަތޭ ބުނެވެނީ، ކީރިތި ޤުރްއާނާ މުނާސަބުވާ ގޮތަށް، ކީރިތި ޤުރްއާނާ މުނާސަބު ތަރުތީބުން، ކީރިތި ޤުރްއާން އުނގެނުމާއި އުނގަންނައިދިނުމަށެވެ.
ލިޔުނީ:- ޝުޢައިބު ޢަލީ