ތަޖުވީދު ޢިލްމު އުނގެނި ދަސްކުރުމުގައި، ކުރު ސުވާލާއި ކުރު ޖަވާބުގެ ސަބަބުން ލިބޭނެ މައިގަނޑު ފައިދާތައް
1- ހުރިހާ ޢުމުރަކާ ގުޅޭ ގޮތަށް، ތަޖުވީދު ޢިލްމުގެ ބޭސިކް މިންގަނޑެއް ކަނޑައަޅަން ފަސޭހަވުން.
2- ކިޔަވައިދިނުމުގެ ތެރެއިން، އަންނަ އިޞްލާޙުކުރުން ތަކުގައި، މާގިނަ މަޢުލޫމާތުތައް ދޭން ނުޖެހޭ ގޮތަށް، އުނގަންނައިދޭން ފަސޭހަވުން.
3- ދިގު ޖުމުލަތައް ދަސްކުރަން ނުޖެހި، އަމިއްލަ ޢިބާރާތުން ޖަވާބު ދިނުމަށް ފަސޭހަވުން.
4- ޖަވާބުގެ ތެރެއިން ސުވާލުނެރެން ފަސޭހަވުމާއެކު، ވަކި ތަރުތީބަކުން ދަރިވަރުންނަށް، ފިލާވަޅު ފަހުމުކޮށްދޭން ފަސޭހަވުން.
5- ހަނދާނުގައި ހަރުލައްވަން ފަސޭހަވުން.
6- ކުރު ސުވާލާއި ކުރު ޖަވާބުން، ތަޖުވީދުގެ ބޮޑެތި ފިލާވަޅުތަކަށް ދިއުމުން، ތަޖުވީދުގެ ބޮޑެތި ފިލާވަޅުތައް ދަސްކުރަން ފަސޭހަވުން.
7- ތަޖުވީދު ޢިލްމު ނޭނގޭ އެއްވެސް މީހަކު ނުހުންނަ މިންވަރަށް، އެ ޢިލްމު ފަތުރަން ފަސޭހަވުން.
ލިޔުނީ:- ޝުޢައިބު ޢަލީ