ކީރިތި ޤުރްއާން ކިޔަވަން ދަސްކުރުމުގައި ފެށުން ފަސޭހަކުރުން

ކީރިތި ޤުރްއާން ކިޔަވަން ދަސްކުރުމުގައި ފެށުން ފަސޭހަކުރުން

 

- ކޮންމެ ކަމެއް ވެސް ފަސޭހަވާނީ، އެކަމެއްގެ ފެށުން ފަސޭހަކޮށްގެންނެވެ.

- ފެށުން ފަސޭހަ ވެއްޖެނަމަ، އެކަމެއްގެ ނިމުން ފަސޭހަވެގެންދާނެއެވެ.

- ކީރިތި ޤުރްއާން ކިޔަވަން ދަސްކުރުމުގައި، އެންމެ ރަނގަޅު ގޮތަކީ، ކީރިތި ޤުރްއާން ބިނާވެފައިވާ ތަރުތީބުން، ފެށުން ފަސޭހަކުރެވޭ ގޮތަށް، ކިޔަވަން ދަސްކުރުމެވެ.

- އޭރުން އުނދަގޫ ވިޔަސް އުނދަގޫވާނީ، ބައެއް ނިމުންތަކެވެ.

- އެކަމުގެ ސަބަބުން، ދަރިވަރުންނަށް ކިޔޭ ކުށްތައް މަދުވެ، ދަރިވަރުންގެ ކިބާގައި، ޔަޤީންކަން އުފެދޭނެއެވެ.

- އަދި އެކަމުގެ ސަބަބުން، ކީރިތި ޤުރްއާން ހިތު ދަސްކުރަން، ފަސޭހަވެގެންދާނެއެވެ.

- އޭގެ ބަދަލުގައި، ކީރިތި ޤުރްއާން ކިޔަވަން ދަސްކުރުމުގައި، ހަމައެކަނި އާޔަތްތަކާއި ސޫރަތްތައް ކިޔުމަށް އިސްކަންދެވޭ ނަމަ، ފެށުން ފަސޭހަކުރުން ޚާއްޞައެއް ނުކުރެވޭނެއެވެ.

- އަދި އަވަސް ތަކުރާރުވުމެއް އަންނަ ގޮތަށް، ފެށުން ތަކުރާރު ނުކުރެވޭނެއެވެ.

 

- ކީރިތި ޤުރްއާން ކިޔަވަން ދަސްކުރުމުގައި، ފެށުން ފަސޭހަކުރުން ބިނާވެފައިވަނީ، ހަތަރު ބައެއްގެ މައްޗަށެވެ. އެއީ...

1- އަކުރުގެ ފެށުން ފަސޭހަކުރުން.

2- ކަލިމައިގެ ފެށުން ފަސޭހަކުރުން.

3- އާޔަތުގެ ފެށުން ފަސޭހަކުރުން.

4- ސޫރަތުގެ ފެށުން ފަސޭހަކުރުން.

 

އަކުރުގެ ފެށުން ފަސޭހަކުރުން

 

- އަކުރުގެ ފެށުމަކީ، އަކުރުގެ އަޑާއި އަކުރު އޮންނަ ޙާލަތެވެ.

- އޭގެ ތެރޭގައި ޢަރަބި އަޑުތަކާއި ޢަރަބި ވަޒަންތައް ގުޅުވުން ވެސް ހިމެނޭނެއެވެ.

- އަކުރުގެ ފެށުން ފަސޭހަކުރުމުގެ މާނައަކީ، ކަލިމަ އަދި އާޔަތުގެ ފުރަތަމަކޮޅުގެ އަކުރުތައް، އަވަސް ތަކުރާރުވުމަކުން ތަކުރާރު ކުރެވޭ ގޮތަށް، ޢަރަބި އަކުރުތަކާއި ޢަރަބި ވަޒަންތައް މުރާޖާ ކުރެވޭ ގޮތަށް، ޢަރަބި އަކުރުތަކާއި ޢަރަބި ވަޒަންތައް ގުޅުވަމުން ކިޔުމެވެ.

- އަކުރުގެ ފެށުން ފަސޭހަކުރުމަށް، ޚާއްޞަކުރެވޭ ކިޔުމުގެ ތަމްރީނުތަކަކީ:-

1- تَوْضِيحْ + مُعَلِّمْ

2- حَرْفٌ بَعْدَ حَرْفٍ + مُعَلِّمْ

 

ކަލިމައިގެ ފެށުން ފަސޭހަކުރުން

 

- ކަލިމައިގެ ފެށުމަކީ، ކަލިމައިގެ ފުރަތަމަކޮޅުގެ އަކުރުތަކެވެ.

- ކަލިމައިގެ ފެށުން ފަސޭހަކުރުމުގެ މާނައަކީ، ކަލިމައިގެ ފުރަތަމަކޮޅުގެ އަކުރުތައް، އަވަސް ތަކުރާރުވުމަކުން ތަކުރާރު ކުރެވޭ ގޮތަށް ކިޔުމެވެ.

- ކަލިމައިގެ ފެށުން ފަސޭހަކުރުމަށް، ޚާއްޞަކުރެވޭ ކިޔުމުގެ ތަމްރީނުތަކަކީ:-

1- تَوْضِيحْ + مُعَلِّمْ

2- حَرْفٌ بَعْدَ حَرْفٍ + مُعَلِّمْ

 

އާޔަތުގެ ފެށުން ފަސޭހަކުރުން

 

- އާޔަތުގެ ފެށުމަކީ، އާޔަތުގެ ފުރަތަމަކޮޅުގެ ކަލިމަތަކެވެ.

- އާޔަތުގެ ފެށުން ފަސޭހަކުރުމުގެ މާނައަކީ، އާޔަތުގެ ފުރަތަމަކޮޅުގެ ކަލިމަތައް، އަވަސް ތަކުރާރުވުމަކުން ތަކުރާރު ކުރެވޭ ގޮތަށް ކިޔުމެވެ.

- އާޔަތުގެ ފެށުން ފަސޭހަކުރުމަށް، ޚާއްޞަކުރެވޭ ކިޔުމުގެ ތަމްރީނުތަކަކީ:-

1- كَلِمَةٌ بَعْدَ كَلِمَةٍ + مُعَلِّمْ

 

ސޫރަތުގެ ފެށުން ފަސޭހަކުރުން

 

- ސޫރަތުގެ ފެށުމަކީ، ސޫރަތުގެ ފުރަތަމަކޮޅުގެ އާޔަތްތަކެވެ.

- ސޫރަތުގެ ފެށުން ފަސޭހަކުރުމުގެ މާނައަކީ، ސޫރަތުގެ ފުރަތަމަކޮޅުގެ އާޔަތްތައް، އަވަސް ތަކުރާރުވުމަކުން ތަކުރާރު ކުރެވޭ ގޮތަށް ކިޔުމެވެ.

- ސޫރަތުގެ ފެށުން ފަސޭހަކުރުމަށް ޚާއްޞަކުރެވޭ ކިޔުމުގެ ތަމްރީނުތަކަކީ:-

1- آيـَـةٌ بَعْدَ آيَــةٍ + مُعَلِّمْ

 

ލިޔުނީ:- ޝުޢައިބު ޢަލީ / ހުސްއެދުރުން-2