ނޭވާ ކުރުވުމާއި ނޭވާ އިތުރުވުމުގައި، ކީރިތި ޤުރްއާނުގެ އާޔަތްތައް

ނޭވާ ކުރުވުމާއި ނޭވާ އިތުރުވުމުގައި، ކީރިތި ޤުރްއާނުގެ އާޔަތްތައް

 

- ކީރިތި ޤުރްއާން ކިޔެވުމުގައި، ނޭވާ ކުރުވުމަކީ، އެއް ނޭވާއިން ކިޔަވަން ދަތިވުމެވެ.

- ކީރިތި ޤުރްއާން ކިޔެވުމުގައި، ނޭވާ އިތުރުވުމަކީ، އެއް ނޭވާއިން ކިޔަވަން ފަސޭހަވުމެވެ.

- އާޔަތްތަކޭ ބުނެވެނީ، ކީރިތި ޤުރްއާނުގައި، ވަކި އާޔަތެއްގެ ގޮތުގައި ކަނޑައެޅިފައިވާ އާޔަތްތަކެވެ.

- އެފަދަ އާޔަތްތައް ވަކި ކުރާނީ އާޔަތްތަކުގެ ނަންބަރުންނެވެ.

- ދިގު އާޔަތެއް ނަމަ، މާނަ ފުރިހަމަވާ ގޮތަށް، އެއް ނޭވާއިން ކިޔާލެވޭ މިންވަރަކީ ވެސް އާޔަތެކެވެ.

- މިއީ މިފިލާވަޅުގައި އާޔަތް މާނަކުރާ ގޮތެކެވެ.

 

- ނޭވާ ކުރުވުމާއި ނޭވާ އިތުރުވުމުގައި، ކީރިތި ޤުރްއާނުގެ އާޔަތްތައް ބެހެނީ ދެ ބަޔަކަށެވެ. އެއީ ....

 

1- އަވަހަށް ނޭވާ ހުސްވާ އާޔަތްތައް.

- މިފަދަ އާޔަތްތައް ކިޔުމުގައި، އަވަހަށް ނޭވާ ހުސްވެ ނޭވާ ކުރުވާނެއެވެ.

2- އަވަހަށް ނޭވާ ހުސްނުވާ އާޔަތްތައް.

- މިފަދަ އާޔަތްތައް ކިޔުމުގައި، އަވަހަށް ނޭވާ ހުސްވެ، ނޭވާކުރުވުމުގެ މައްސަލައެއް ދިމާނުވާނެއެވެ.

 

އަވަހަށް ނޭވާ ހުސްވާ އާޔަތްތައް

 

- ކީރިތި ޤުރްއާނުގެ އާޔަތްތަކުގެ ތެރެއިން އަވަހަށް ނޭވާ ހުސްވާ އާޔަތްތަކަކީ:-

1- هَمْسُ ގެ އަކުރުތަކުގެ ތެރެއިން، ث ح خ س ش ص ف ه މި އަކުރުތައް އަންނަ އާޔަތްތައް.

- މި އަކުރުތަކަށް، هَمْسُ ގެ ޞިފަ ދިނުމުގެ ސަބަބުން، ނޭވާ ދޫވާނެއެވެ.

- އެކަމުގެ ސަބަބުން، ނޭވާ ހުސްވުން އަވަސްވެ ނޭވާ ކުރުވާނެއެވެ.

 

2- ދެމޭ ޙާލަތްތަކާއި އިތުރަށް ދެމޭ ޙާލަތްތައް އަދި އިތުރަށް ޣުންނަކުރެވޭ ޙާލަތްތައް އަންނަ އާޔަތްތައް.

ދެމޭ ޙާލަތްތައް

- މިއީ ހަމައެކަނި މައްދުގެ އަކުރުތައް އަންނަ ޙާލަތްތަކެވެ.

އިތުރަށް ދެމޭ ޙާލަތްތައް

- މިއީ މައްދުގެ އަކުރުތަކުގެ ފަހަތަށް، أَلِفْ އާއި سُكُونْ އަންނަ ޙާލަތްތަކެވެ. އަދި ލީންގެ އަކުރުތަކުގެ ފަހަތަށް، سُكُونْ އަންނަ ޙާލަތްތަކެވެ.

އިތުރަށް ޣުންނަ ކުރެވޭ ޙާލަތްތައް

- މިއީ  نُونْ , مِيمۡ ގައި تَشْدِيدْ ޖެހިފައިވާ ޙާލަތްތަކާއި، ޣުންނައާއެކު إِدْغَامْ ކުރެވޭ ޙާލަތްތައް އަދި إِخْفَاء ކުރެވޭ ޙާލަތްތަކާއި إِقْلَابْ ކުރެވޭ ޙާލަތްތަކެވެ.

 

އާޔަތްތައް ކިޔެވުމުގައި، މި ތިން ޙާލަތަށް ސަމާލުވުން، މުހިންމުވާ ސަބަބުތައް

 

1-  ކީރިތި ޤުރްއާން ކިޔެވުމުގައި، މި ތިން ޙާލަތުގެ ސަބަބުން އަވަހަށް ނޭވާ ހުސްވާނެތީއެވެ.

2- ކީރިތި ޤުރްއާން ކިޔަވަން ފެށުމުގެ ކުރިން، އަޑު ތައްޔާރުކުރުމަށް، މި ތިން ޙާލަތް ޚާއްޞަކުރެވޭތީއެވެ.

3- މި ތިން ޙާލަތުގެ ސަބަބުން، ޢަރަބި ބަހުން ވާހަކަ ދެއްކުމާއި، ކީރިތި ޤުރްއާން ކިޔެވުން ތަފާތުވާތީއެވެ.

 

ޚުލާޞާ

 

- މިފަދަ އަކުރުތަކާއި ޙާލަތްތައް އިތުރުވާ ވަރަކަށް، އެފަދަ އާޔަތްތައް ކިޔުމުގައި، އަވަހަށް ނޭވާ ހުސްވެ ނޭވާ ކުރުވާނެއެވެ.

- އަދި ދެމޭ ސަބަބާއި، އިތުރަށް ދެމޭ ސަބަބުގެ ފަހަތަށް، هَمْسُ ގެ އަކުރުތައް އައުމުން ނޭވާ ހުސްވުން އަވަސްވެ އިތުރަށް ނޭވާ ކުރުވާނެއެވެ.

 

އަވަހަށް ނޭވާ ހުސްނުވާ އާޔަތްތައް

 

- މިއީ ކީރިތި ޤުރްއާނުގެ އާޔަތްތަކުގެ ތެރެއިން، ދެމޭ ޙާލަތްތަކާއި އިތުރަށް ދެމޭ ޙާލަތްތައް އަދި އިތުރަށް ޣުންނަކުރެވޭ ޙާލަތްތައް ނާންނަ އާޔަތްތަކެވެ.

- އަދި هَمْسُ ގެ އަކުރުތަކުގެ ތެރެއިން، ث ح خ س ش ص ف ه މި އަކުރުތައް ނާންނަ އާޔަތްތަކެވެ.

 

ލިޔުނީ:- ޝުޢައިބު ޢަލީ / ހުސްއެދުރުން-2