ކީރިތި ޤުރްއާން ކިޔަވަން ދަސްކުރުމުގައި ބިނާކުރުން

ކީރިތި ޤުރްއާން ކިޔަވަން ދަސްކުރުމުގައި ބިނާކުރުން

- ކީރިތި ޤުރްއާން ކިޔަވަން ދަސްކުރުމުގައި، އާޔަތްތަކާއި ސޫރަތްތައް
ކިޔަން ފެށުމުގެ ކުރިން، ބިނާކުރަން ދަސްކުރުމަކީ، ވަރަށް މުހިންމު ކަމެކެވެ.

- ކީރިތި ޤުރްއާން ކިޔަވަން ދަސްކުރުމުގައި ބިނާކުރުމަކީ،
ޓެކްނިކަލީ ގޮތުން، ކިޔުމުގެ ތަރުތީބާއި އަޞްލާ އެއްގޮތަށް، ބިނާކުރަމުން
ކިޔެވުމެވެ.

- ކިޔުމުގެ ތަރުތީބާއި އަޞްލާ އެއްގޮތަށް، ބިނާކުރަމުން
ކިޔުމަކީ، ކަނާތުން ވާތަށް، އަކުރުން އަކުރަށް ކަލިމައިން ކަލިމައަށް އަދި
އާޔަތުން އާޔަތަށް ސޫރަތުން ސޫރަތަށް، އަވަސް ތަކުރާރުވުމަކުން، ފެށުންތައް
ތަކުރާރުކުރެވޭ ގޮތަށް ކިޔުމެވެ.

- ކީރިތި ޤުރްއާން ކިޔަވަން ދަސްކުރުމުގައި ކިޔުމަކީ، ބިނާކޮށްގެން
ކިޔުމެވެ.

- މާނައަކީ ކިޔުމުގެ ތަރުތީބާއި އަޞްލާ އެއްގޮތަށް،
ބިނާކުރަމުން ކިޔުމެއް ނެތި، އަކުރާއި ކަލިމަ އަދި އާޔަތްތަކާއި ސޫރަތްތައް
އެއްކޮށް ކިޔުމެވެ.

ކީރިތި ޤުރްއާން ކިޔަވަން ދަސްކުރުމުގައި، ބިނާކުރުމާއި
ކިޔުން ބިނާވެފައިވަނީ، ހަތަރު ބައެއްގެ މައްޗަށެވެ.

1- އަކުރު ބިނާކުރުމާއި ކިޔުން.

- މިއީ ކިޔުމުންނާއި ލިޔުމުން އަކުރު ބިނާކުރަން ދަސްކޮށް
ފަރިތަކޮށް އާދަކުރުމަށްފަހު ކިޔުމެވެ.

- އެހެންވީމަ އަކުރު ދަސްކުރުމުގައި، ދެ މަރުޙަލާއެއް ލާޒިމުކުރެއެވެ.

ހ. އަކުރު ބިނާކުރަން ދަސްކުރުން:- މިއީ އަކުރުގެ އަޑު އުފައްދަން
ދަސްކޮށް ފަރިތަކޮށް އާދަކުރުމެވެ.

ށ. އަކުރު ކިޔަން ދަސްކުރުން :- މިއީ އެކި ޙާލަތްތަކާ ގުޅޭ
ގޮތަށް އަކުރު ކިޔަން ދަސްކުރުމެވެ.

2- ކަލިމަ ބިނާކުރުމާއި ކިޔުން.

- މިއީ ކިޔުމުންނާއި ލިޔުމުން ކަލިމަ ބިނާކުރަން ދަސްކޮށް
ފަރިތަކޮށް އާދަކުރުމަށްފަހު ކިޔުމެވެ.

- އެހެންވީމަ ކަލިމަ ދަސްކުރުމުގައި، ދެ މަރުޙަލާއެއް ލާޒިމުކުރެއެވެ.

ހ. ކަލިމަ ބިނާކުރަން ދަސްކުރުން:- މިއީ ކަލިމައިގެ ފެށުން ތަކުރާރު ކުރެވޭ
ގޮތަށް، ފަހަރަކު އަކުރެއް އިތުރުކުރަމުން ކިޔުމެވެ.

ށ. ކަލިމަ ކިޔަން ދަސްކުރުން:- މިއީ ކަލިމައިގެ ފެށުން ތަކުރާރު
ނުކުރެވޭ ގޮތަށް، ކަލިމަ އެއްކޮށް ކިޔުމެވެ.

3- އާޔަތް ބިނާކުރުމާއި ކިޔުން.

- މިއީ ކިޔުމުންނާއި ލިޔުމުން އާޔަތް ބިނާކުރަން ދަސްކޮށް
ފަރިތަކޮށް އާދަކުރުމަށްފަހު ކިޔުމެވެ.

- އެހެންވީމަ އާޔަތް ދަސްކުރުމުގައި، ދެ މަރުޙަލާއެއް ލާޒިމުކުރެއެވެ.

ހ. އާޔަތް ބިނާކުރަން ދަސްކުރުން:- މިއީ އާޔަތުގެ ފެށުން ތަކުރާރު ކުރެވޭ
ގޮތަށް، ފަހަރަކު ކަލިމައެއް އިތުރުކުރަމުން ކިޔުމެވެ.

ށ. އާޔަތް ކިޔަން ދަސްކުރުން:- މިއީ އާޔަތުގެ ފެށުން ތަކުރާރު
ނުކުރެވޭ ގޮތަށް، އާޔަތް އެއްކޮށް ކިޔުމެވެ.

4- ސޫރަތް ބިނާކުރުމާއި ކިޔުން.

- މިއީ ކިޔުމުންނާއި ލިޔުމުން ސޫރަތް ބިނާކުރަން ދަސްކޮށް
ފަރިތަކޮށް އާދަކުރުމަށްފަހު ކިޔުމެވެ.

- އެހެންވީމަ ސޫރަތް ދަސްކުރުމުގައި، ދެ މަރުޙަލާއެއް ލާޒިމުކުރެއެވެ.

ހ. ސޫރަތް ބިނާކުރަން ދަސްކުރުން:- މިއީ ސޫރަތުގެ ފެށުން ތަކުރާރު ކުރެވޭ
ގޮތަށް، ފަހަރަކު އާޔަތެއް އިތުރުކުރަމުން ކިޔުމެވެ.

ށ. ސޫރަތް ކިޔަން ދަސްކުރުން:- މިއީ ސޫރަތުގެ ފެށުން ތަކުރާރު
ނުކުރެވޭ ގޮތަށް، ސޫރަތް އެއްކޮށް ކިޔުމެވެ.

- ކީރިތި ޤުރްއާން ކިޔެވުމުގެ މާނައަކީ، ބިނާކުރަން
ދަސްކޮށް ފަރިތަކޮށް އާދަކުރުމަށްފަހު އާޔަތްތަކާއި ސޫރަތްތައް ކިޔުމެވެ.

- އޭރުން ވާނުވާ އެނގޭ ގޮތަށް، ބަލައިގެން އަދި ނުބަލައި،
އިޚްތިޔާރުން ޤުރްއާން ކިޔަވަން އެނގޭނެއެވެ.

- ނަމަވެސް، ބިނާކުރަން ދަސްކޮށް ފަރިތަކޮށް އާދަކުރުމެއް
ނެތި، އާޔަތްތަކާއި ސޫރަތްތައް ކިޔާނަމަ އެއީ ވާނުވާ ނޭނގި ހަމައެކަނި ކިޔުމެވެ.

- އެގޮތަށް އާޔަތްތަކާއި ސޫރަތްތައް ކިޔުމަށް، ޙަޤީޤީ
މާނާގައި ކިޔެވުމުގެ ދަރަޖައެއް ނުދެވޭނެއެވެ.

ކީރިތި ޤުރްއާން ކިޔަވަން ދަސްކުރުމުގައި، ބިނާކުރަން
ދަސްކުރުމަށް، ޚާއްޞަ ކިޔުމުގެ ތަމްރީނުތައް

1 - تَوْضِيحْ

2 - حَرْفٌ بَعْدَ حَرْفٍ

3 - كَلِمَةٌ بَعْدَ كَلِمَةٍ

4 - آيـَـةٌ بَعْدَ آيَــةٍ

5 - سُورَةٌ بَعْدَ سُورَةٍ

6 - مُعَلِّمْ

ލިޔުނީ:- ޝުޢައިބު ޢަލީ / ފަސޭހަ މުޤައްރަރު